ОФ "Международная Академия
Культурного и Экономического
Сотрудничества
"Новый Шелковый Путь"

Наши люди - Замуди шоншы

17.08.2021

   Центр дунгановедения и китаистики НАН КР от всей души поздравляют нашего самого лучшего доктора  Бебезова  Хаким Сулеймановича с  получением государственной награды «Лауреат государственной премии КР в области науки и техники». Заслуженная награда! Желаем здоровья, успехов и благополучия!
   Шыҗешон ган җыгә йинсын ёҗинди мәюди. Щянсын – җысы тэнэди, чиннэди зэмусы щинэди жын.  Даҗун ги ниму,  бу шә тасы дэфума (врач), җе вавади нүдэфума (акушерка), йишыма (фельдшер), нүхўшыма (медсестра) були  висынйүанма (санитар)   на жәщин зэмусы йищин – йиҗи чынщин ги ниму доще!
   Йищүә (медицина) – җысы цощин дади  зэмусы  ю хошо винанди йинсын. Йиче жынмуди гончён зэ тамуди шунини. Җыгә йинсын туфын-тусысы лян жынму ю йүанфа, ламә, шә щинҗиди хуа, щёнхо зэмусы лю да шын дэ цощин.
   Виса ющёр винанни? Җысы ё ба бин щян зоҗян зыху ба  йүнди йүә дэ йүәҗын  ё пыйшонни. Ги  щянсынму бонмонди жын зусы нүхўшы (медсестра). Щянсынму ба бинжын тинли, канлиди зыху нүхўшыму ги таму ба йиче щехади йүә дэ йүәҗынму сыхуршон, цощинди җё дыйшонни.
   Йищүәжынмуди җечи – шыҗешонди йиче минзўму, жынму люйүәниди ди сангә екшанбэ  җейин тамудини. Җысы заму даҗунди җечи! Йинви винанди, хэ бинди сыхур, таму щянсынму йидани лян заму шули тындунли.
   Хаким Сулейманович Бебезов ю гунлоди  кэ тонди дэфу.  Шыҗешонди жынму ба та ду жындыйни.  Хаким Сулейманович щели мощёр 300 куәщүә хуә,  зуәзоли 5 дунщиму (изобретение), 20 чян дуә  кэтон.  
   1966 няншон ба та җянщүанли И.А. Ахунбаев клиникади җингуажынли. Тади сан эрзы  Бахром, Ильхом, Бахадыр  тади  дадади  җуәзун  ду ба йищүә   годын фу нянванли, чынха дэфули.     Җяни сангә щифур, лёнгәсы дэфу! Багә сунзы, сыгә дэфу - Фатима, Салима, Сулейман, Камила! Багә висунзы – гуон йигә дин дади –Бехруз вонщён е чынха дэфуни!
   Ги ниму, Хаким Сулейманович лян ниди җящя панвон гончён, йүнчи. хуәшонди да чынгун! Җё шыҗешонди дин годи шонхо фанчон суй ни!