ОФ "Международная Академия
Культурного и Экономического
Сотрудничества
"Новый Шелковый Путь"

Дахуэйди Щёнхо Фестиваль дружбы

07.09.2021

 Байүәди йиршон Хырхызстан гуйту Бишкек чынпуни  җейин  30 нянди  Дўли җечили.  Ба җыгә җечи Каракол чынпуниди жынму е гого-щинщинди җейинли.
   Зэ Дахуэй Щёнходи җечишон йиче минзўжынму ба зыҗиди куйчын, лисы, зыфәди бёли. Зу зэ җыгә җечишон хуэйзў минжынму е фили да гункў ба зыҗиди жәно гуәхуә зыфәди бёли. Йиче бёфә  богоди жынму ба Хырхызстанди фаҗон, бобый, нынгу ду  тифәли. Зэмусы  читоли җё йичеди  минзўму каншу Тэпин дэ Щёнходи сычиншон  лю дашын.  
   Канҗян җүнмый шанланхуэй, нянҗин ду хуали. Җытар са ду юни: щюхади хуа шуҗин, җынту, щин щифурди йифу, бида, пиҗя, хуа хэ, вазы зэ хошоди данлинди дунщи.
   Доли  да җонфонни  чон җуәзышон бэди заёнди щён чыхә. Җыгә җуәзышон са ду юни: санзы, тонмәмә, махуар, маезы.  Дин җун-ё чыди зусы Щи. Зу лян җыгә чыхә  хуэйзўжынму җейин гуйҗун кижынмудини, гуә хунсыдини.   Җыгә кугәр литу шәхади хуа дуйдурди: «Чыболи, хә боли,  чунхан лян фухан йиёнли».  
   Чынщин доще ги чуанлянҗяму, ги нёнлозыму, чиннянму лян йиче линшу жынму! Җё ни фихади җыщезы гункў фанчон зэ жынмуди щинниди, җё җыгә лён җингуон фанчон җолён Щёнхо дэ Тэпинди  лўдо!