ОФ "Международная Академия
Культурного и Экономического
Сотрудничества
"Новый Шелковый Путь"

Билет во взрослую жизнь Җынфу - ту йигә җыба

20.06.2022

   Йиче щүәсынму 2022 нян, люйүә  донҗунни гощинди зэ дащихуанди  җечишон –  ба  ту йигә җыба - җысы  Җынфу туфын - тусы зу линшонли.  
   Җыгә җыба до щүәсынму гынчянсы  дин ёҗинди.  Йинви таму чынха ю бынсыди зэмусы җышы годи вамули. Җы зусы таму линйирди җечи зэ щинэ щүәтонни.  Ги  щинэди  щүәтон  зэмусы лян гуйҗунди  җёйүанму, таму  лян доще зэмусы  шә щинҗи хуали.
   До ба щүәтон нянванди ваму гынчян  җысы туфын-тусы  Җюйүә чў 1  заму доли щүәтоннили  җищён ходихын. До таму гынчянсы  җы йитянсы йибыйзы вонбулёди жызы…
   Щүәтон  - тифәчелэ җы җи җү хуа мый йигә жынди щинни бу ю  зыҗи зу җюди тынли зэмусы гощинли. Та  ба щинэ щүәтон, гуйҗунди җёйүанму лян  ляншуму, куанда-лёнхуә җёнтон, чон зудозы зэмусы да хуайүан зу сылёнчелэли. Зэ щүәтонни туфын-тусы лян зыму жыншы, щүәди лян жынму  щёнхо, щинэ зохуа, щищүә заёнди йүян лян щинэди жын йүмян йибыйзы ду вонбулё. Шыҗешонди жынму бу шә  ло-шо,  щинэ җыгә сыхурни.
   Зу зэ щүәтонни  винанди  сыхур ба җёйүанмуди, ляншумуди фубон нын канлэ.
   Жёйүан – җысы ю гундоди, ю лянмянди  йинсын. Тянтяр вумый  щүәсынмуди нянҗинму гощинди җочў та  кандини зэмусы щинни вонщёнди  е вончян чи ба җёйүанди йинсын җяншонни. Җы хан бусы йүнчима?
   Мый йигә ваваму ю зыҗиди цэнынни. Җёйүан ги мый йигә щүәсынму  ба хуэбоди йүәзы ду нын зоҗуә.
   Лян щүәсынму чынха йигә хўлунди – җысы җёйүанмуди да мущён. Зу  лян җыгә вонщён,  җёйүанму хи-мин,  бу кан винан, зоди гәшы-гўёнди банфа  зы вончян шыкандини…
   Ганзо ваму гощинди зу доли щүәтоннили. Тамуди шуни на гәшы- гўёнди  җүнмый хуарбазы  – җысы ги җёйүанму на жәщин дуангиди.
   Җиннян  Сортобе щёнҗуонни № 17  җундын  минщя щүәтонниди нүщүәсын Гульзада Илдаровна Ягурова зэмусы № 48 җунщүәди нүщүәсынму  Галия Мухиткызы Чанчарова лян Фария Алимовна Дундурова, Булар батыр щёнҗонни  № 19 җунщүә  нүщүәсынму  Удый Сания Щимаровна лян Хидан Мадина ба дин годи җыба  «Үздік аттестат» лян җёнҗон (медаль) зу линшонли.
   Лян ниму,  ниди нёнлозыму, җёйүанму, ляншуму ду йиданни гощиндини!
   Шон щүәди сыхур – җысы дин  йүнчи дади  сыхур.  Лян та либэ ю пәфан, ю фа юцу, кәсы таму чынха суйфу дади жынмули. Таму зу ё ба йиче  лилён заншон ган зэмусы щищүә тёҗянхади йинсынни.
   Дин җун-ё зусы зэ зыҗиди  лўдошон  лян щян бынсы дэ ги фаҗон, щюгэ  щинэди Зўгуй фи да щинҗин!                                                                                                                                                                       
 Ухуар Сыва